10.1  Tillitsmann

Landet er delt opp i tillitsmannsdistrikt der det i kvart distrikt er vald ein tillitsmann og ein varatillitsmann for ein periode på ca. ni månader. Oppdragsgjevaren blir underretta når ein av dei tildelte mannskapa blir vald som tillitsmann eller varatillitsmann.
I denne perioden vil den valde tillitsmannen og varatillitsmannen bli beordra til tillitsmannskurs som varer tre dagar, og tillitsmannen vil bli innkalla til seks todagars møte i tillitsmannsutvalet. Tillitsmennene skal vidare arrangere to allmøte på maksimalt ein dag. Til å førebu kvart allmøte og sørgje for utsending av møtereferat m.m., har tillitsmannen rett til tenestefri ein dag.
Tillitsmannen skal også, så langt råd er, få høve til å vitje andre tenestestader i tillitsmannsdistriktet. Tillitsmannen får også ein tenestedag pr. veke til lokalt tillitsmannsarbeid. Tillitsmannen skal sørgje for at dette arbeidet skapar minst mogeleg ulempe for oppdragsgjevaren.

10.2  Allmøte

Det skal avviklast to distriktsvise allmøte i året for blant anna val av tillitsmann og varatillitsmann. Mannskapa har ein rett utan vilkår til nødvendig tenestefri for å delta på møta. Det blir ikkje frådrag i faktura til oppdragsgjevarane for slik tenestefri.